Les mots surlignés font l'objet d'une note
1Le roy aiant récrie la royne et estatz d’Angleterre à la rénovation de l’alliance de la couronne
2de France qu’ilz ont désirée et les avoir faict traicter fort favorablement, s’en sont depuis
3deulx jours retournez bien contens comme il semble depuis sur les occasions des
4affaires de Flandres où le duc d’Alve nous tient pour grandement suspetz, l’on a advisé
5au conseil aulx moiens pour se préparer à bien deffence si luy ou aultre se voulloit
6ingérer de assaillir sa majesté ou faire entreprinse sur ses païs et par mesure l’on
7regarde dilligemment pour trouver de l’argent afin de faire faire monstre aulx gens d’armes
8et soldars qui sont destinez pour le service du roy pour la garde et deffense desdites
9places frontières, en quoy les compagnies ordonnées de leur cousté et les légionnaires
10louez par monsieur le baron des Adretz se pourront sentir.
11Sadite majesté fut lundy à l’hostel de ville, honorer de sa présence les prévost des marchans
12et eschevins de ladite ville de Paris en leur collation qui y fut préparée et par mesme
13faire mettre le feu à cellui qui est au devant de louable coustume préparé pour
14la mémoire de la feste St-Jehan. ce jourdhuy, sa dite majesté part pour aller à son
15bastiment de Charleval et courre le cerf en la forest de Lyons pour huict ou dix
16jours. Cependant, l’on s’attend que en ce mesme temps, le roy de Navarre arrivera
17en ceste compagnie qui est dès avant hier XXIII de ce mois à Vendosme.
18Le mariage sera en peu de temps après consommé.
19Dimanche dernier, ce courrier qui est l’un des gens de monsieur l’ambassadeur
20Malleras, arriva, venant de Romme et s’en retourna en dilligence, estant prévenu
21pour occasion qui se dira aveq’ le temps et pour la quelle, il y a ici ung notable
22personnage de la part du pappe. L’ambassadeur de Venise fut hier ouy sur les
23occasions de la Sainte Ligue. Les roines et Messeigneurs sont en bonne santé, Dieu mercy.
24Hier soir arriva l’ung des Praillons venant d’Allemaigne qui dict qu’il se faict grandes levées
25et que l’on estime que monsieur le prince d’Orange peult faire estat de quatre mil
26reistres, douze centz chevaulx légers et quarante enseignes de lansquenetz.
27Ce secours fera besoing à ceulx qui ont entreprins prendre Monlz en Heinault aultrement,
28il prant grandement à doubter.
29faict au chasteau de Boullongne, ce XXVe de juing 1572